"Wiki-historiak historiatuak" tailerra

Wiki-historiak historiatuak Trocóniz Fundazioak azaroak 8 eta 15ean Portugaleten antolatutako tailer bat izan da; honetan, parte-hartzaileei Wiki-historiak proiektua aurkeztu eta hurbiltzeaz gain, Historia birpentsatzeko teknologia proposamen berriek eskaini ditzaketen aukerak aztertu dira. 

Atal teoriko bat eta beste praktiko bat izan ditu. Teoria aldetik, Artearen Historiaren eraikuntza orokorrean zein ingurune hurbilean zehazki ikertu dugu. Alderdi praktikoari dagokionean, wikia aurkeztu da, bere lan egiteko modua, ematen dituen aukerak komentatu eta esku hartzeko moduak azaldu dira. 

Tailerraren barne Arte Ederretako Museora Hemen nago izeneko bisita kontatu da ere. Honen bidez, tailerreko parte hartzaileek salbuespen moduan erakustaretoetan ikusgai ez dauden emakume artisten bildumako lanak bisitatu ahal izan dituzte, honela hauek Artearen Historiaren eraikuntza ikertzeko abiapuntu bezala erabili direlarik.

Tailerra generoa eta arte garaikidean interesatutako pertsonei zuzendua zegoen, adina eta sexua kontutan hartu gabe. Ez zen beharrezkoa web 2.0ari buruzko aurreko jakintzarik izatea. Parte hartu duen jendea adin guztietakoa izan da, eta baita testuinguru ezberdinetakoa ere.

Blanca Oraak tailerra dokumentatzeko egindako bideoa 

Bilboko Arte Ederretako Museoan aurkitzen diren emakume artisten lanei bisitaldia.

Azaroak 20ean egindako bisita berezian ikusitako lanak hauek izan ziren: